انصار: (چهارشنبه، د کب ۸ مه)، اوکرایني رسنۍ (کییف انډیپنډنت) وايي، د امریکا ولسمشر ډونالډ ټرمپ د اوکراین په تړاو هماغه تېروتنه تکراروي چې په افغانستان کې یې وکړه.

د دې رسنۍ پر اساس، وروسته له دې چې ډونالډ ټرمپ د امریکا د متحدو ایالتونو ولسمشر وټاکل شو، پر بهرنۍ جګړې یې انتقاد وکړ او د هغې د پای ته رسولو غوښتنه یې وکړه، همداراز یې د متحدو ایالتونو له یو سیال سره، چې تر سختو بندیزونو لاندې و، یوه موافقه وکړه، خو خپل متحد یې د خپلې خاورې په اړه د سولې له خبرو بهر پرېښود. دا غمجن توافق مخالفي ډلې ته تسلیمېدا ګڼل کېده، چې هدف یې د شخړې ژر پای ته رسول و، نه د امریکا د متحدانو ملاتړ یا په سیمه کې اوږدمهاله ثبات.

که دا پېښه اشنا برېښي، علت یې دا دی چې دا هماغه څه دي چې د ټرمپ د ولسمشرۍ په لومړۍ دوره کې په افغانستان کې وشول، او اوس دا هغه څه دي چې اوکراینیان او د هغوی متحدان له روسیې سره د ورته معاملو له امله وېرېږي.

کله چې ټرمپ د انتخاباتي مبارزو پر مهال د اوکراین جګړې د پای ته رسولو ژمنې کولې، د بریتانیا د پارلمان غړي، مارک مارټین، وویل چې دا ژمنې د افغانستان د جګړې د پای ته رسولو له لارې سره "ډېر ورته والی" لري.

مارټین، چې په افغانستان کې یې خدمت کړی او د دې شخړې په اړه یې یو کتاب لیکلی دی، وايي: «دا توافق یوه معامله نه وه، بلکې تسلیمېدا وه او دا هماغه څه دي چې ټرمپ اوس غواړي د اوکراین په قضیه کې یې وکړي.»

د ۲۰۲۰ کال د فبرورۍ په پای کې، د ټرمپ ډلې له طالبانو سره یو تړون لاسلیک کړ، چې په افغانستان کې یې د امریکا د شل کلن پوځي حضور پای ته رسیدا اعلان کړه. د هغه وخت افغان حکومت، چې د امریکا ملګری و، له دغو خبرواترو بهر پاتې شو.

د امریکايي ځواکونو له وتلو وروسته، سره له دې چې طالبانو د تړون مطابق پر خپلو ژمنو عمل ونه کړ، دا یو له اساسي عواملو څخه و چې په ۲۰۲۱ کال کې کابل په حیرانوونکي ‌ډول سقوط وکړ.

مارتین وویل: «که څه هم دا پرتلنه به ډېره دقیقه نه وي، خو «هغه څه چې ورته دي، د امریکا د مشرتابه اصلي غریزه ده - چې دښمن ته لاس ورکړي او امتیازات ورکړي.»

ټرمپ له واک ته رسېدو راوروسته له روسیې سره په خبرو اترو د اوکرایني چارواکو اندېښنې زیاتې کړي دي. د ده دې ډول څرګندونو چې «په ناټو کې د اوکراین غړیتوب امکان نه لري او اوکراین ته د خپلې خاورې بېرته سپارل غیرواقعي هدف دی»، د اوکراین دریځ کمزوری کړی دی.

LINK: https://www.ansarpress.com/english/34973

*	NAME
*	COMMENT
4 DIGITS BELOW
*

	Taliban’s new law bans women’s voices and faces
	Western Kabul residents say Taliban has failed to ensure security after bombing
	Formation of the Federalist Assembly of Afghanistan
	Taliban: Afghanistan Does Not Have Formal Border With Pakistan
	Pedram: The Abduction of Hazara and Tajik Women Recalls the Crimes of Abdur Rahman
	Special envoys from G7 countries discuss Afghanistan in London meeting
	UNAMA report: 49 Hazara community members killed in Afghanistan in three months
	Generations of Pakistan and Afghanistan who fell victim to suicide attacks
	UNAMA urges increased protection for Afghanistan’s Hazara community after Kabul attack
	Explosion reported in Kabul , casualties still unknown